Од друга страна, бои и нивни нијанси има многу. Уште повеќе можности за нивно вклопување. Колку боја да се употреби за да се добие пријатна хармонија во просторот? Како да се сложат а да се избегне впечатокот на монотонија или пак невкус и хаотично шаренило. Планирање на добитната комбинација почнува со истражување и разбирање на карактеристиките на боите и нивниот однос. Основната алатка за комбинирање на боите е кружната палета од 12 бои. Боите во кругот се делат на ладни и топли, примарни, секундарни, терцијарни и неутрални. Покрај тоа можат да бидат темни или светли. Добро познавање на овие карактеристики може да ни помогне да го креираме саканиот амбиент, да ги истакнеме предностите и да ги ублажиме недостатоците на одредениот простор.
Едно од основните правила е да не се комбинираат повеќе од три бои. Постојат неколку утврдени и докажани принципи за нивно сложување, а една од нив е аналогната шема.
Аналогни бои за складност и удобност
Аналогната шема представува комбинирање на три (може и две) бои кои во кругот со бои се наоѓаат во низа, една до друга. Аналогните нијанси се сложуваат многу добро и со нив се постигнуваат мирни, хармоничнии удобни амбиенти. Ентериерните дизајнери препорачуваат да се користи аналогниот принцип за вклопување на ладни или топли бои. На пример, за соба идеална комбинација е црвена, портокалова и жолта боја. Така креираме амбиент со исклучителна топлина и удобност. Виолетовата, сината и зелената даваат поладен ефект, идеални се за соби за одмор и релаксација. Ваков склоп на бои често се сретнува во природата и поради тоа е исклучително пријатна за човечкото око. Најдобар пример за сложување на бои по аналогната шема е градација на бојата на листовите во есен. Во уметноста еден од примерите за аналогно сложување е сликата на Ван Гог “Сончогледите”.
Иако аналогното комбинирање дава хармонична избалансираност, како мана може да се наведе изостанокот на силен контраст. Секако, постојат начини да се постигнат и повеќе спротивности во аналогното сложување на боите.
На крајот, не мора да знаете ништо за боите и принципите за нивното вклопување во ентериерите. За да го добиете она што го сакате во својот простор, најдобро е се околу планирањето, одбирањето на соодветните материјали и самото изведување да го препуштите на професионалните екипи. Ваше е само да посакате, да дадете почетна идеја, а стручните лица ке се погрижат вашата идеја во што пократко време да се претвори во вистинско ремек дело на вашите ѕидови.
