Од друга страна, црната е и боја на автентичност и бунт. Таа е и боја на темната ноќ, на бескрајниот универзум и мистично длабоките води. По Feng Shui таа вибрира со енергија на моќта и заштитата. Црниот ѕид претставува вистински предизвик при декорирање на ентериерот. Потребна е доза на храброст и добро познавање на карактеристиките на боите и материјалите и црната боја може одлично да изгледа во големи и мали простории. Со внимателна и стручна примена ќе се избегнат сите несакани ефекти, бидејќи црната боја може многу лесно да го загуши просторот.
Црната боја на ѕидните површини
Црната дава длабочина, сила и дефиниција на секој простор. Никако не би требало да се откажеме од оваа боја при декорирањето иаку може да предизвика чувство на тежина ако не се дозира правилно. Црната секако не е препорачлива како доминантна боја, но во поголем дел може да послужи за впечатливите детали. Единствено детските соби се место кај црната боја не е пожелна, посебно за мали деца.
Идеална просторија кај може да се искористат предностите на црната боја е купатилото. Со професионално комбинирање на црната со другите бои секое купатило може да стане елегантно и модерно стилизирано. Црните тонови се многу погодни за кујни, a нарочно за кујнските елементи. За потполн ефект и дополнителна свежина, декоратерите предлагаат специјални сјајни премази. Спалната соба е совршено место за комбинација на црната со друготе бои. Црната, како синоним за елеганција најдобро е да се комбинира со светли бои како белата , розевата, жолтата...
Весела и разиграна жолта во контраст со мирната и длабока црна е комбинација која често ја гледате на насловните страни од модерните списанија за уредување на ентериерот. Тоа е сигурен спој со кој неможе да се згреши. Слично е со силната и жива пинк нијанса која заедно со црната делува многу симпатично и младешки.
Портокаловата и интензивната црвена на црна подлога можат да делуваат нападно и агресивно, па би требало да се биде посебно внимателен со ваквите комбинации. Доколку сте во недоумие, црно-белата комбинација е вонвременска и ви остава доволно простор креативно да ги искористите деталите. При декорирање на просторот, правилниот избор на бојата е половина од успехот. Другата половина ја сочинуваат квалитетните материјали на пазарот од докажани произведувачи и професионалните екипи кои ке знаат да ги претворат во ремек дело на вашиот ѕид. Ние ви даваме можност да бидете виртуелни дизајнери и со помош на апликации да ги испробате омилените комбинации на црната и другите Максима бои и се тоа на ѕидни површини од различни простории како и на слика од вашата соба која сакате да ја стилизирате.
