Begatojeni enterierin me kthjelltësi dhe energji me ndihmën e ngjyrës portokalli

Ngjyra portokalli është më e ngrohta nga të gjitha ngjyrat e spektrit. Krijohet me përzjerjen e të kuqes me të verdhën duke i bartur karakteristikat pozitive të të dy ngjyrave. Intensivitetin e agresivitetin e ngjyrës së kuqe e balanson kthjelltësia e ngjyrës së verdhë. Ngjyra portokalli është stimuluese dhe tejet emocionues, e gjallë, energike dhe argëtuese. Kjo është ngjyrë e vitalitetit, optimizmit, prosperitetit, entuziazmit dhe e aventurës. Kjo ngjyrë është edhe ngjyrë e vjeshtës dhe e korrjes dhe shton dëshirën për ushqim. Në natyrë simbolizon zjarrin, perëndimin e diellit, lulet, perimet... Ështe tepër theksuese andaj edhe përdoret për të theksuar dhe tërhequr vëmendjen. 

Ajo përshpejton qarkullimin e oksigjenit nëpër tru, shton aftësinë e përqëndrimit dhe mësimit. Portokalli është e vetmja ngjyrë që e ka marrë emrin nga pema, portokalli. Është gjithmonë në trend dhe aktuale, sidomos nga koha kur „Forbes magazine“ e ka shpallur tepër me ndikim në marketing. Ekzistojnë nuanca të ndritshme dhe të errëta të ngjyrës portokalli varësisht nga prania e të verdhës dhe e të kuqes: terakota, shafrani, ngjyra e kungullit, e pjeprit, kajsisë, pjeshkës, pudrës...

Te dekorimi i enterierëve, ngjyra portokalli është e përshtatshme për hapësirat e të gjitha destinimeve vetëm nëse përdoret nuanca përkatëse. Meqë është intensive dhe tejet e ngrohtë, ngjyra portokalli nuk rekomandohet si ngjyrë mbizotëruese por gjithmonë në kombinim përkatës me ngjyrat e tjera.

Portokalli është shembulli më i mirë i rregullit themelor të dizajnimit: nuk ka ngjyrë të keqe, kemi vetëm kombinim të tyre të keq (joprofesional).

Si të arrini që ngjyra portokalli në murin t’uaj të shkëlqejë me shkëlqim të plotë

Ngjyra portokalli jep shumë mundësi për veprim kreativ me nuancat e saj në enterier dhe për arritjen e efekteve të ndryshme. Po që se përzgjidhet në mënyrë profesionale nuanca e duhur kjo ngjyrë mund të përdoret në çdo hapësirë/dhomë, pa marrë parasysh funksionin e saj. Megjithatë, duhet të kihet parasysh se portokalli është skajmërisht e ngrohtë dhe se në aspektin pamor e zvogëlon hapësirën. Për këtë arsye do duhej të kombinohej me tone më të ftohta dhe të përdoret në hapësirat me ndriçim të mirë.

Psikologët theksojnë ndikimin tejet pozitiv të ngjyrës portokalli në koncentrim, mësim dhe në formimin e personalitetit. Së këndejmi, kjo ngjyrë është ideale për dekorimin e dhomës së fëmijëve dhe të zyrave. Veçmas është aktual bashkimi i ngjyrës së kaltër dhe portokalli, që i jepë një pamje harmonike dhe autentike dhomës së vogëlushëve. Portokalli nxit komunikimin, zbut nervozizmin, el kjo e bën të përkryer për hapësirat në të cilat qëndrojnë më shumë njerëz, e të cilat shërbejnë për shoqërim dhe festime, siç është dhoma e ditës/ndejës. Kjo ngjyrë ngazëllyese dhe energjike stimulon aktivitetin, andaj disajnerët e rekomandojnë për hapësira në të cilat bëhen ushtrime.

Është mirë të shmangen nuancat e forta të kësaj ngjyre në dhoma të fjetjes ngase, edhe pse nuk është aq e zjarrtë dhe agresive sikur e kuqja, mund ta çrregullojë gjumin dhe të shkaktojë shqetësime. Nga ana tjetër, kjo ngjyrë në kuzhinë është tepër e mirëseardhur, por vetëm nëse nuk jeni në një regjim të veçantë të ushqimit dhe dijetës. Ngjyra portokalli e shton shumë dëshirën për ushqim dhe e përmirëson oreksin, kështu që e përdorin shpesh pronarët e restoraneve dhe të bareve. Një hit i plotë kohëve të fundit janë detajet, elementet e kuzhinës ose pultet me ngjyrë portokalli.

Një mirëseardhje të ngrohtë dhe të këndshme mund ta krijoni duke i lyer sipërfaqet e mureve të koridoreve me nuanca të buta të ngjyrës portokalli, siç janë ngjyra e pjeshkës, e kajsisë, e lëkurës dhe e lososit. Tonet intensive dhe të gjalla të citrusit të ngjyrës portokalli në detaje ose në disa prej pjesëve të hapësirës do ta ngjallë ambientin duke i dhënë një energji rinore. Tonet e errëta të kungulllit ose qelibarit ofrojnë një ngrohtësi dhe konfor shtesë. Me siguri se nuk do të gaboni nëse krahas ngjyrës portokalli do të përdorni ngjyrën e bardhë e cila do t’i jepë hapësirës dritën e nevojshme. Një pamje atraktive, të sofistikuar dhe elegante do ia jepë hapësirës një kombinim deri diku i pazakonshëm me ngjyrën vjollcë e cila, po ashtu, mund të plotësohet me detaje shtesë. Tonet gështenjë krahas ngjyrës portokalli krijojnë një atmosferë të ngrohtë dhe të këndshme ideale për dhomën e ditës dhe të fjetjes, por edhe për trepezari. Ngjyra portokalli është e shkëlqyer edhe për të „menjanuar“ monotoninë e të murrmes, ndërkaq pranë ngjyrës së gjelbër do të krijoni në hapësirën e banjos një pamje të freskët dhe bashkëkohore. Dhe në fund, për një mjedis magjik dhe ekzotik, mistik e të ngrohtë kombinojeni me ngjyrën e zezë dhe, gjithësesi, do të keni një interier „in“ sipas trendit të fundit.

Nëse doni të shihni se si kjo do të dukej me nuancat ngjyrës portokalli Maxima në hapësirat e caktuara, e madje edhe në muret t’uaja që dëshironi ti stilizoni, shikojeni aplikacionin tonë. Nëse doni ta realizoni efektin që e keni përzgjedhur, më së miri është që t’i drejtoheni ekipit të dëshmuar të ekspertëve tanë.








Ostali saveti

Nga fabrika e braktisur deri te inspirimi

Jo rrallë, pikturat si vepra artistike llogariten si elite, vlera të paarritshme që shihen nëpër galeri dhe muze. Mir...

DOWNLOAD CENTAR.jpg

Arti në muri

Shumica e Molerave me përvojë do tua thonë një gjë - ngjyrosja apo gëlqerosja për ta është më shumë se ngjyrosje e mu...

Teksti alternativ i nënkuptueshëm
pigmenti11.jpg

Pigmente te ngjyrat e mureve (tonerët)

Nuk ka bukuri pa ngjyra dhe ngjyrat flasin me të gjitha gjuhët. Shumë prej nesh pajtohen me këtë thënie. Të gjithë e...

Teksti alternativ i nënkuptueshëm
BRAON BOJA.jpg

Ngjyra gështenjë - pasurojeni hapësirën t’uaj me fuqin...

Ngjyra gështenjë bën pjesë ndër ngjyrat neutrale sekundare e cila fitohet me përzjerjen e ngjyrës së kuqe, të gjelbër...

Teksti alternativ i nënkuptueshëm
bojanka.jpg

MAXIMA libër për ngjyrosje – dhuratë për kreativët tan...

Librat për ngjyrosje për fëmijë gjithmonë kanë qenë vegla efikase për prindërit për ta pushtuar vëmendjen e fëmijëve...

Teksti alternativ i nënkuptueshëm
50 NIJANSI SIVE.jpg

50 nuanca të ngjyrës së murrme në hapësirën/shtëpinnë ...

Ngjyra e murrme është ngjyrë neutrale, ngjyrë kompromisi. Fitohet me përzjerjen e ngjyrës së bardhë dhe të zezë, dy t...

Teksti alternativ i nënkuptueshëm
TOPLE I HLADNE BOJE.jpg

Nuancat e ngrohta dhe të ftohta të ngjyrave në enterie...

Me siguri se deri tani jeni njoftuar me ndarjen e ngjyrave në të ngrohta dhe në të ftohta. Po ashtu, ndoshta e dini s...

Teksti alternativ i nënkuptueshëm
ŽUTA BOJA.jpg

Ngjyra e verdhë - mbusheni hapësirën tuaj me lumturi d...

Ngjyra e verdhë është ngjyra e diellit, e shkëlqimit dhe e kthjelltësisë. Kjo është ngjyra më stimuluese nga të gjith...