Ja se çka thotë shkenca për ngjyrën e kaltër: Ngjyra e kaltër është ngjyra që përdoret më së shumti në botë në art dhe disajn, ndërkaq te shumica e popullatës konsiderohet si ngjyrë e meshkujve. Po ashtu, kjo është ngjyra mbizotëruese korporative, ngase simbolizon stabilitetin, profesionalizmin, diturinë, inteligjencën dhe lojalitetin (psh.Simens i Facebook). Ngjyra e kaltër bën pjesë ndër ngjyrat themelore të ftohta dhe na e përkujton ujin dhe qiellin. Nuancat e kaltra të ndritshme simbolizojnë shëndetin, qetësinë dhe mirëkuptimin. Tonet e kaltra të lerrëta simbolizojnë forcën, diturinë, integritetin dhe seriozitetin. Shpeshherë e karakterizohet si ngjyrë e çlirimit shpirtëror dhe e rendit, andaj përdoret shpesh për qetësim dhe rehati.
Përdoreni të kaltrën dhe në aspektin pamor rriteni hapësirën
Energjia të cilën e emeton numri më i madh i nuancave të ngjyrës së kaltër është qetësuese. Kjo ngjyrë ulë shtypjen e gjakut, ngadalëson punën e zemrës dhe frymëmarrjen. Për këtë arsye e kaltra është përzgjedhja ideale për dhomën e fjetjes, banjo dhe për të gjitha hapësirat që shërbejnë për pushim dhe meditim. Ngjyra e kaltër qetëson trurin, nxit kreativitetin dhe mësimin, andaj enterieristët shpesh e rekomandojnë për zyra dhe hapësira biznesore.
Për hapësirat në të cilat planifikohet një aktivitet më i madh, siç janë dhomat e e ditës/ndejës dhe kuzhinat, ngjyra e kaltër nuk është një zgjedhje aq e mirë ngase mund të ndikojë që të ndiheni të ngadaltë e madje edhe depresiv. Është interesante të theksohet se për ngjyrën e kaltër thuhet se posedon veçori që ndikojnë në zvogëlimin e oreksit për faktin se, siç supozohet, në natyrë as praktikisht nuk ekziston ushqim i kaltër. Përkundrazi, ngjyra e kaltër e ushqimit paralajmëron se ai është i helmueshëm ose i prishur, kështu që njerëzit i shmangen këtij ushqimi. Për këtë arsye nutricionistët u rekomandojnë njerëzve që janë në dijetë që të hanë nga pjatat e kaltra në mënyrë që të konsumojnë sasi më të vogla ushqimi.
Ngjyra e kaltër është përzgjedhja e përkryer për hapësirat me dimensione të vogla ngase, sikur edhe të gjitha ngjyrat e ftohta në aspektin pamor, rrit dhe zgjëron hapësirën. Po ashtu, mund të ndikojë që ta ndjeni një temperaturë më të ulët në hapësirën t’uaj, e madje ndikon edhe në ulljen e temperaturës së trupit.
Këtë me siguri nuk e keni diturë për ngjyrën e kaltër
Ngjyra e kaltër haset në nuanca të ndryshme, ndërkaq ato më së shpeshti i kanë emërtuar francezët. Kështu, kur thoni e kaltra ju mendoni për të kaltrën azure, të kaltrën indigo, të kaltrën e detit, të kaltrën e natës, të kaltrën e qiellit, të kaltrën e palloit, të kaltrën e kobaltit, të kaltrën platine, të kaltrën tirkize... Nëse merreni me ngritjen e peshave, është dëshmuar se do të ngritni më shumë kilogram nëse këtë e bëni në hapësirën e ngjyrosur me ngjyrë të kaltër.
Hulumtimet kanë treguar se mushkonjat thjesht e adhurojnë ngjyrën e kaltër andaj i „vizitojnë“ dy herë më shpesh hapësirat me këto tone. Hutini është i vetmi zog i cili e dallon ngjyrën e kaltër.
A ju intereson ta dini se si do të dukej ndonjëra prej nuancave të kaltra në murin e hapësirës së caktuar? Ose në kombinim me ndonjë ngjyrë tjetër? Tani me ndihmën e aplikacionit tonë dhe me pak imagjinatë t’uajën mund bëni këtë, e madje edhe më tepër se kaq... Fotografojeni hapësirën që doni ta dekoroni dhe me ndihmën e paletës së bojërave Maxima krijojeni kombinimin t’uaj ideal.
