Nuancat e ngrohta dhe të ftohta të ngjyrave në enterierë

Me siguri se deri tani jeni njoftuar me ndarjen e ngjyrave në të ngrohta dhe në të ftohta. Po ashtu, ndoshta e dini se cilat cilat janë ngjyrat me nuanca të grohta e cilat me të ftohta. Shumica prej nesh këto i kemi mësuar në shkollë.
Çfarë do të thotë kjo konkretisht për ju? Dhe, si mund t’i shfrytëzoni këto më së miri me rastin e dekorimit të hapësirës?
Ja përgjigjja.

Kur i shikojmë ngjyrat, vërejmë se ato dallohen dhe këtë në disa mënyra. Disa prej tyre simbolizojnë dritën, diellin, ngrohtësinë dhe këto janë ngjyrat e ngrohta që përbëhen nga e verdha, e kuqja dhe nga ngjyra portokalli. Ngjyra e kuqe është më e ngrohta në gjithë spektrin, ajo është energjike, intensive dhe tërheq vëmendjen. Shumica e disajnerëve do ju thonë se nuancat e ngrohta janë ato që në vete përmbajnë një sasi më të madhe të ngjyrës së verdhë ose të kuqe.
Ngjyrat e ngrohta në natyrë ose në enterier krijojnë ndjenjën se i afrohen vështruesit.

Në anën tjetër janë ngjyrat që na e përkujtojnë ujin, qiellin dhe qetësinë. Këto janë e kaltra, e gjelbra dhe nuacat e ndritshme të ngjyrës vjollcë (lavanda dhe jorgovani). Me fjalë të tjera, secila ngjyrë e cila përmban në vete të kaltrën është ngjyrë e ftohtë. Tonet e errëta të ngjyrës vjollcë, me një pjesëmarrje të fortë të ngjyrës së kuqe, kanë më tepër veçori të nuancave të ngrohta. Përndryshe, secila ngjyrë e ngrohtë mund ta posedojë edhe pamjen e vet të ftohtë dhe një intensitet të dobët nëse asaj i shtohet ngjyra e bardhë.
Nëse i vështrojmë muret ose fotografitë në të cilat mbizotërojnë ngjyrat e ftohta na duket sikur ato largohen nga ai që i vështron. Ekzistojnë edhe ngjyra neutrale të cilat nuk mund t’i radhisim në asnjërin prej këtyre grupeve, e këto janë e bardha dhe e zeza, bezh, e murrmja dhe ngjyra gështenjë.

E ngrohta apo e ftohta-zgjidhja është në baraspeshë

Enterieristët shpeshherë i përdorin karakteristikat e ngjyrave të ngrohta dhe të ftohta për të krijuar një ambient përkatës në hapësirën e caktuar. Po ashtu, njohja e mirë e veçorive të ngjyrave mund të na ndihmojë që në hapësirë të mënjanohen disa prej të metave dhe të vihen në pah përparësitë. Prandaj, nëse planifikoni rregullimin e mjedisit banesor ose biznesor, më së miri është që t’i drejtoheni ekipit profesionist. Kjo njëkohësisht është garanci se, me materialet cilësore dhe njohuritë praktike profesionale, do të realizoni një harmoni të plotë të dëshirave, nevojave dhe mundësive t’uaja.
Megjithatë, do ishte mirë që edhe vetë t’i njihni disa prej rregullave themelore të përdorimit të nuancave të ngrohta dhe të ftohta në sipërfaqet e mureve. Eshtë me rëndësi të mbani mend se në asnjë hapësirë nuk bën të jenë ekskluzivisht nuancat e ngrohta ose të ftohta. Gjithmonë duhet të kombinohen varësisht nga efekti që dëshironi ta arrini. Sikur edhe tek të gjithë elementët e dekorimit, është e nevojshme baraspesha ose kontrasti.

Atmosferës së ngrohtë ose intime i kontribuojnë ngjyrat e ngrohta si mbizotëruese në eneterier. Nuancat e ngrohta janë të përshtatshme edhe për hapësira më të mëdha, të cilat në aspekin pamor do të duken më të vogla dhe më të këndshme. Këto ngjyra janë ideale për hapësirat në të cilat mungon drita natyrore dhe që janë të kthyera nga veriu. Shpesh janë të pranishme në trepezari, kuzhina dhe në dhoma të ndenjes. Tonet e ftohta në aspektin pamor i bëjnë më të mëdha hapësirat e vogla, ndërkaq hapësirat e ngrohta i bëjnë më të ftohta, më të qeta dhe më të këndshme për qëndrim. Nuancat e ftohta do u japin qetësinë e nevojshme hapësirave të destinuara për pushim, siç janë dhomat e gjumit. Rekomandohen edhe për enterierë që janë të kthyer nga jugu.

Në fund, nuk është aq e rëndësishme se a do ta përzgjedhni një ngjyrë mbizotëruese, ndërsa për detajet ngjyrën tjetër apo gjithçka të shpërthejë nga koloriti. Po ashtu, nuk është me rendësi se sipas cilës skemë i përshtatni ngjyrat. Qëllimi final është që ta arrini harmoninë dhe ritmin e duhur ndërmjet ngjyrave që i përgjigjen shijes e temperamentit t’uaj në mënyrë që të krijoni ambientin në të cilin do të ndjeheni mirë.





Ostali saveti

Nga fabrika e braktisur deri te inspirimi

Jo rrallë, pikturat si vepra artistike llogariten si elite, vlera të paarritshme që shihen nëpër galeri dhe muze. Mir...

DOWNLOAD CENTAR.jpg

Arti në muri

Shumica e Molerave me përvojë do tua thonë një gjë - ngjyrosja apo gëlqerosja për ta është më shumë se ngjyrosje e mu...

Teksti alternativ i nënkuptueshëm
pigmenti11.jpg

Pigmente te ngjyrat e mureve (tonerët)

Nuk ka bukuri pa ngjyra dhe ngjyrat flasin me të gjitha gjuhët. Shumë prej nesh pajtohen me këtë thënie. Të gjithë e...

Teksti alternativ i nënkuptueshëm
BRAON BOJA.jpg

Ngjyra gështenjë - pasurojeni hapësirën t’uaj me fuqin...

Ngjyra gështenjë bën pjesë ndër ngjyrat neutrale sekundare e cila fitohet me përzjerjen e ngjyrës së kuqe, të gjelbër...

Teksti alternativ i nënkuptueshëm
bojanka.jpg

MAXIMA libër për ngjyrosje – dhuratë për kreativët tan...

Librat për ngjyrosje për fëmijë gjithmonë kanë qenë vegla efikase për prindërit për ta pushtuar vëmendjen e fëmijëve...

Teksti alternativ i nënkuptueshëm
50 NIJANSI SIVE.jpg

50 nuanca të ngjyrës së murrme në hapësirën/shtëpinnë ...

Ngjyra e murrme është ngjyrë neutrale, ngjyrë kompromisi. Fitohet me përzjerjen e ngjyrës së bardhë dhe të zezë, dy t...

Teksti alternativ i nënkuptueshëm
ŽUTA BOJA.jpg

Ngjyra e verdhë - mbusheni hapësirën tuaj me lumturi d...

Ngjyra e verdhë është ngjyra e diellit, e shkëlqimit dhe e kthjelltësisë. Kjo është ngjyra më stimuluese nga të gjith...

Teksti alternativ i nënkuptueshëm
ZELENA BOJA.jpg

Ngjyra e gjelbër - lyejeni hapësirën t’uaj me natyrën

Enterieristët thjesht e adhurojnë ngjyrën e gjelbër. Ja përse... Ngjyra e gjelbër është neutrale dhe përputhet pothua...